Dr Maya S

അഭിനേത്രികള്‍
കമാനം പോലെ കാലുകള്‍ .

വിതാനിച്ചിട്ട കൂന്തലും

നികുംഭങ്ങളാം മാറിടം.

വിജ്രംഭിച്ചുള്ള കണ്ണുകള്‍

വരിഞ്ഞു കെട്ടിയൊരങ്കികള്‍ .

ഉരഞ്ഞലഞ്ഞടി മോടികള്‍

ചലിച്ചിടും കര പല്ലവം.

ചിരിച്ചു കൊട്ടിയ ഭാവകം.

വിരല്‍പ്പടര്‍പ്പിലെ മുദ്രകള്‍ .

വരച്ചിടും ബഹുചിത്രകം

മനോജ്ഞമായ് മുഖം പിന്നെയും.

മറച്ചു വെച്ചിടും ചിന്തകള്‍

രഹസ്യമില്ലെന്നപോലവേ

നയിച്ചിടുന്നഭിനേത്രികള്‍ .