ഇറാഖില്‍ നിന്നും

ഫലസ്തീനിലൂടെയാണയാള്‍ വന്നത്.

നിലവിളികളിലും .

തീയുണ്ട വിഴുങ്ങിയ

ജീവിതങ്ങള്‍ക്കും

നിറം മങ്ങിയ നരച്ച

ബാല്യങ്ങള്‍ക്കും

ബലാല്‍ക്കാരം ചെയ്യപ്പെട്ട

സംസ്ക്കാരത്തിനും മീതെ

ഒറ്റ ഫ്ലാഷില്‍ ഒരു തലപ്പാവുകാരന്റെ ആലിംഗനം !

അതങ്ങിനെയാണ്

മുന്നറിയിപ്പുകളവശേഷിക്കാതെ

ഒച്ചകളെ അവര്‍ നിരായുധമാക്കിക്കൊണ്ടിരിക്കും..

ചുവപ്പന്മാരുടെ ആവലാതികള്‍ സത്യമായിരിക്കുന്നു.

ഇപ്പോള്‍ പരമാധികാരം തൂങ്ങിയാടുന്നത്

ആണവക്കരാറിന്റെ

തുമ്പുകളിലത്രേ ..