അരമതിലിനു പുറത്ത്

മുദ്രാവാക്യമുഖരിതമാമൊരു

കൊടിയൊഴുക്ക് കണ്ടു

 

പണിയില്ലാത്തോര്‍ തൊണ്ടപൊട്ടിക്കും

ഒരു നേരമ്പോക്ക് എനിക്കെന്ത് ?

 

കലണ്ടര്‍ കള്ളികള്‍ അല്പം കൊഴിഞ്ഞു

പ്രഭാതത്തിലെ കണിയൊരു

സര്‍വേ കല്ല്‌

 

സ്ഥാനം തെറ്റാതെ വീടിന്റെ

മധ്യത്തില്‍ ചെന്നിരുന്ന് മൊഴിഞ്ഞു ...

 

"പുറമ്പോക്കാ, കറുത്ത പായക്ക്‌ വീതിപോരാ

ഇതിനു പുറകോട്ടു പത്തടി മാറി പൊറുത്തോ"

 

തലചായ്ക്കാനിടമില്ലെങ്കിലും

ഏമാന്‍ ചൊല്ലിയാല്‍ മറുവാക്കുണ്ടോ ?

 

അന്നറിഞ്ഞു ആ കൊടിയൊഴുക്ക്

ഇത് തടയാനായിരുന്നു

തലചായ്ക്കാന്‍ ഇടം കേട്ടായിയിരുന്നു

 

അന്ന് പരിഹാസച്ചിരിക്കുപകരം

കൈകോര്‍ത്തിരുന്നെങ്കില്‍ ഒരുപക്ഷെ.....

ഇനി നന്നായി പരിഭവിക്കാം