Anil Palloor

ഭൂമിയുടെ കണ്ണുനീരാണ് കടല്‍

സൂര്യരശ്മികള്‍ കാണാത്ത അമ്പുപോലെ

ശരിരത്തിലേക്ക് കടന്നു

വിയര്‍പ്പു തുള്ളികളെ

പ്രസവിച്ചപ്പോഴാണ് ചൂടിനാല്‍ നനയുമെന്നു പഠിച്ചത്

 

ഓരോ വിയര്‍പ്പ് കണവും

ജനിച്ച ഉടനെ മണ്ണിലേക്ക് പിന്മടങ്ങുന്നു

കണ്ണടച്ചു തുറക്കും മുമ്പേ

ഒരു ജനനം ;മരണവും

 

മൂന്നു കടലുകള്‍ക്കും ഒരേ രുചി

വിയര്‍പ്പിന്‍ കടല്‍

കണ്ണീര്‍ കടല്‍

ഉപ്പിന്നുറവയായി കടലമ്മ

 

ഒരു നെടുവീര്‍പ്പിനാല്‍ കണ്ണീര്‍ ചുരമാന്തുന്നു

മണ്ണിന്റെ കണ്ണുനീര്‍ നിറച്ച കുമ്പിളാണ് കടല്‍

കടലില്‍ തള്ളിയതൊക്കെ തിര എടുത്തെറിയും പോലെ

സ്വപ്‌നങ്ങള്‍ വലിച്ചകത്തിട്ടതെല്ലാം കണ്ണുനീര്‍ തിര വലിച്ചെറിയുന്നു