Sabloo Thomas

ഒരാള്‍ ഏകവചനമാകുന്നു
പഴയ ഗ്രൂപ്പ് ഫോട്ടോയില്‍

എന്നെയല്ലാതെ മറ്റൊ രാളെ യും കാണുന്നില്ല.

അടുത്തു നില്‍ക്കുന്നവന്റെ

തോളില്‍ കൈയ്യിട്ടു നീളുന്ന

സൗഹൃദം ഫോട്ടോയില്‍

തെളിഞ്ഞു കണ്ടില്ല

 

പണ്ട് നമ്മള്‍ പങ്കിട്ടു വായിച്ച

കലാപങ്ങള്‍ സമരങ്ങള്‍

എല്ലാം ബഹുവചാനമായിരുന്നു.

 

ബഹുവചനങ്ങളെല്ലാം

അശ്ളീലമെന്നെണ്ണന്ന

ഒരു സെന്‍സറുണ്ടാകുമോ

കാമാറക്കണ്ണില്‍ ?

 

അല്ലെങ്കില്‍ ഇന്നു ഞാന്‍

ഏകാവചനമാകുന്നു.

അതിനാല്‍ പഴയ ഗ്രൂപ്പ് ഫോട്ടോയില്‍

എന്നെയല്ലാതെ മറ്റൊരാളെയും

തിരിച്ചറിയണമെന്നില്ല.

 

മാഞ്ഞുപോകട്ടെ

മറ്റുള്ളവര്‍ കറുപ്പിലും വെളുപ്പിലും

തെളിഞ്ഞു കാണട്ടെ

എന്നെമാത്രം ബഹുവര്‍ണ്ണങ്ങളില്‍

പത്തു തലയോടെ